Skip to content

Vagahau Niue | Niue

Vagahau Niue | Niue

Ko e vai huki COVID-19 | The COVID-19 vaccine

Mahuiga lahi ke moua e tau huki kua mitaki mo e hako ke fakaaoga ke puipui mo e levekiaki e tau momoui ha tautolu i Niu Silani mo e tau motu he atu Pasifika, mai he gagao COVID-19. Ko e tau huki nai mahuiga lahi ke maeke he tau momoui gahua tupe he tau tagata ke liu moua e holoaga mitaki mo e maeke he tau fenoga evaeva ke liu matutaki foki ki fafo he motu ko Niu Silani.

Nakai fai totogi e tau huki COVID-19. Ko e uta ni ke he fifiliaga he tau tagata Niu Sialni ko e huki a ia poke nakai huki.

Maeke he tau vai huki COVID-19 ke moua e tau puipuiaga mai he tau moko, kakua lata ia tautolu ke fakatumau ke mumuitua ke he tau hatakiaga ke gahua auloa ke taofi e gagao COVID-19 ke ua hoko mai ke he tau maaga ha tautolu.Mahuiga ke fakatumau ke he tau hatakiaga nai ne fa; holoholo e tau lima, fakaaoga e tau QR codes, fakamoui e Bluetooth mo e nofo i kaina kaeke kua gagao.

Ha kua hoko a tautolu ke he lagaaka foou ke he ha tautolu a paleko mo e gagao COVID-19, mahuiga lahi ke muitua a tautolu ke he tau fakailoaaga kua moua mai he tau matakau poke tau faahi gahua kua tonu mo e mooli. Uka mo e vihu e tau gahua ha tautolu kaeke kua fakahehē e tau fakailoaaga kua moua mo e tau fakailoaga kua nakai mooli mo e hako. Maeke ia koe ke moua e tau fakailoaaga kua tonu mo e mooli mai he haau a ekekafo, Healthline, haau a District Health Board, Faahi Gahua Malolō Tino mo e kupega hila Unite Against Covid-19 www.covid19.govt.nz

Vai huki COVID-19
COVID-19 vaccine frequently asked questions

Fakaholoaga he palana vai huki ha Niu Silani
New Zealand's vaccine rollout plan

Mouaaga he huki COVID-19 haau: Ko e heigoa kua lata ke iloa mo e mailoga
Getting your COVID-19 vaccine: what to expect

Ka oti e moua he huki haau
After your immunisation