Skip to content
Home / Programmes / Long-term Insights Briefing   / Gagana Samoa | Samoa

Fa’ailoa mai sou finagalo fa’aalia i le Long-term Insights Briefing a le Matagaluega

Fa’ailoa mai sou finagalo fa’aalia i le Long-term Insights Briefing a le Matagaluega

O le Long-term Insights Briefings (LTIB) ose mana'oga fou a le malo i lalo o le Public Service Act 2020. Latou te mana'omia ofisa ma matagaluega a le malo e mafaufau ia le itiiti ifo i le 10-tausaga o i luma, i le su'esu'eina o aga e masani a’i mo le lumana'i, o ni tulaga lamatia ma avanoa e ono a'afia ai Aotearoa Niu Sila. E fesoasoani le LTIB i le fa’alauiloaina o fuafuaga umi ina ia lava saunia le aufaigaluega a le Malo e tali atu i suiga i le lumana’i ma mafai ai ona maua faamanuiaga tumau mo tagata i Aotearoa. Mo nisi fa'amatalaga i LTIB e maua i’inei:

Long-term Insights Briefings | Department of the Prime Minister and Cabinet (DPMC)

O le autu ua matou fuafuaina e iloilo, o le – Improving Pacific data equity: Opportunities to enhance the future of Pacific wellbeing. O le LTIB o le a mafai ai ona maua se malamalama’aga loloto e uiga i le tulaga tutusa o fa’amaumauga a le Pasefika e fesoasoani e fa’ailoa ai fa’ai’uga i le lumana’i ma filifiliga o faiga fa’avae mo tagata Pasefika.

I lalo o le tulafono e mana'omia ai le faia o ni ta’amilosaga se lua o fa’atalanoaga fa’alaua’itele, ina ia fa'amautinoaina o lo'o atagia mai i la tatou LTIB mulimuli, manatu fa'alaua'itele - muamua i le autu ua fuafuaina, ma le lona lua ile fa'amatalaga ‘au’ili’ili ole LTIB.

O lo'o matou sailia ni finagalo fa’aalia tusitusia ma tu'ugutu e uiga i la matou autu fuafuaina o le LTIB. Ua matou fausia se pepa o faʻatalanoaga, lea e mafai ona fa’atumu i luga o la matou website. O lenei pepa e mo le matou ta’amilosaga muamua o fa’atalanoaga fa’alaua’itele. E te maua ai fa'amatalaga taua e fesoasoani ai i lou finagalo faaalia, e aofia ai fesili nei:

  1. O le a sou manatu i fa'amatalaga fuafuaina mo fa'amaumauga a le Pasefika ma le tulaga tutusa o fa'amaumauga a le Pasefika?
  2. O le a le uiga o fa’amaumauga a le Pasefika ma le tulaga tutusa o fa’amaumauga a le Pasefika, ia te oe?
  3. I lau fa'alogo i fuainumera/fa'amaumauga a le Pasefika i Aotearoa, po’o talafeagai ma lou nu'u?
  4. Pe fa'apefea ona sili atu le lagolagoina e fa'amaumauga a le Pasefika nu'u Pasefika?
  5. O le a sou manatu, i ni tulaga e sili ona lelei ae po’o a fo’i ni lamatiaga mo le tulaga tutusa o fa'amaumauga a le Pasefika?
  6. E te ioe o le tulaga tutusa o fa’amaumauga a le Pasefika o se fesoasoani taua mo le soifua manuia o le Pasefika? Aisea?
  7. O a ni ou mo’omo’oga mo fa'amaumauga a le Pasefika i le taimi nei ma le lumana'i?
  8. O a nisi mataupu po'o autu e te mana'o e su'esu'e e le Matagaluega i LTIB mo le lumana'i?
  9. E i ai nisi fa'amatalaga e te fia fa'asoa ai?

E mafai ona fa’aali lou finagalo i le tele o fesili e te mana'o ai.

E iai le matou pepa mo sou finagalo fa’aalia o lo'o avanoa i luga o la matou website e tu'uina atu ai ia te oe le avanoa e tu'u sa'o ai ma fa'alilolilo lau fa'amatalaga.

Imeli mai: [email protected] 

Lafo i: Policy Branch - Ministry for Pacific Peoples

PO BOX 833
Wellington 6140
New Zealand

Ma, afai e te mana'o e te ‘auai i fefa'asoa'iga a pa’aga, fa’ata’ita’iga: mafutaga fa’alea'oa'oga, talanoaga ta'ito'atasi, fa'amolemole fa’afeso’ota’i mai matou i le: [email protected]

O le aso e tapunia ai mo manatu fa’aalia o le 5:00pm ile Aso Faraile 28 Ianuari 2022.

Fa’ailoa mai sou finagalo fa’aalia i le Long-term Insights Briefing