Skip to content

Tuku mai o manatu fakaali ki na Fakamatalaga ke Fakamalamalama ai te agai ki mua a te Mataeke

Tuku mai o manatu fakaali ki na Fakamatalaga ke Fakamalamalama ai te agai ki mua a te Mataeke

Ko Fakamatalaga ke Fakamalamalama mo te agai ki mua (Long-term Insights Briefings (LTIB) ko ni manakoga e o te malo i lalo o te tulafono o tagata faigaluega lauaitele 2020. E manakogia na matagaluega kehekehe vena ma na mataeke a te malo ke mafaufau ma peleni mo te 10 tauhaga ka lakafia, iloilo te agai ki mua, ni tulaga e lamatia ai vena ni avanoaga e afaina ai ia Aotearoa Niu Hila. Ko na avanoaga ienei ka fehoahoani ke fakamakeke ai ki te kikila mamao kae ke mafai ai e te tautuaga a tagata lauaitele ke fakataunuku ni fakamanuiaga mo tagata i Aotearoa. Ka maua atu ni ie tahi fakamatalaga e uiga ki te LTIB ikinei:

Long-term Insights Briefings | Department of the Prime Minister and Cabinet (DPMC)

Ko te matakupu e fia tuku atu ke mafaufau kiei ko te -  Fakalelei atili o na fakamaumauga o tagata Pahefika : Ko te LTIB ka mafai ai ke maua he malamalama loloto e uiga ki na fakamumauga fakamonia mo tagata Pahefika ke fehoahoani ai ki te fauga o na tonu mo te lumanaki vena na faiga fakavae mo tagata Pahefika.

I lalo o te tulafono e manakogia ke fai fakalua ni talanoaga ma tagata lauaitele ke fakamautinoa ai ko ana fakaikuga ko ona lagona iena – muamua ko te kautu kua fuafua ki ei te talanoaga, ma tona lua ko na fakamatalaga iloilo mai loto o na fakamaumauga mai te LTIB.

E manakogia e kimatou ni fautuaga e tuku fakapepa pe tuku gutu mai e uiga ki na matakupu a te LTIB kua tuku atu. Kua fauhia e kimatou ni pepa fakatalanoa, e fakatumu e koe i luga o te website. Ko te pepa muamua tenei mo te fakatalanoaga fakalauaitele. Ka maua ai e koe ni fakamatalaga taua ke fehoahoani atu ai ki o manatu fakaali mai, vena ma na fehili kua tuku atu:

  1. Hea ho manatu ki na fakamatalaga kua fuafuagia ki fakamaumauga mo te Pahefika vena ma na fakamaumauga fakamaonia ma taua ki te Pahefika?
  2. Hea te aoga ki a te koe o ienei fakamaumauga ki tagata Pahefika kae maihe na fakamaumauga fakamaonia ma taua o te Pahefika.
  3. Ko na mea kua fakalogo koe ki ei e uiga ki na fakamaumauga fakafuainumela/fakamaumauga agai ki tagata Pahefika i Aotearoa ko he ata ia e ke kitea ki tau komuniti?
  4. E vehea nei o na fehoahoani mai ie nei fakamaumauga ki loto o na komuniti Pahefika?
  5. Ko ni a nei ni avanoaga hili atu pe ni lukitau ki ienei fakamaumauga fakamaonia ma taua o te Pahefika?
  6. E kau koe ko ienei fakamaumauga fakamaonia ma taua agai ki tagata Pahefika ko he ki tena e fehoahoani mo te fakalelei atili o te ola malolo ki tagata Pahefika? Aihea?
  7. Ni a ni o moemitiga mo ienei fakamaumauga agai ki te Pahefika nei ki te lumanaki?
  8. Ni a ni ie tahi matakupu e fia tuku atu e koe ki te Mataeke ke hukehuke mo te agai ki mua o na Fakamatalaga ke fakamalamalama ai mo te agai ki mua (LTIB)
  9. Ei iei ni au tahi fakamatalaga e fia tuku mai?

E avanoa pea te taimi ke tuku mai ai ni o manatu mo na fehili kua tuku atu.

E iei na pepa haunia e avanoa mo koe i luga o te Uepisaite e mafia ke tuku hako mai ai o manatu ma e puipuia.

       Imeli mai : [email protected]

Lafo ki te: Policy Branch

                   Ministry for Pacific PeoplesPO BOX833

                   Wellington 6140New Zealand  

Ma, kafai koe e fia aofia i na vaega tautua kehekehe ienei, e veia ko na akoga, talanoaga tautokatahi, fakamolemole fakafehotaki mai kimatou i te uepihaite.

E tapunia tenei fakamoemoe mo te tukumaiga o ni o manatu i tea ho Falaile aho 28 o Ianuali 2022 i te 5:00pm.

Tuku mai o manatu fakaali e uiga ki te Fakamatalaga ke Fakamalamalama ai mo te agai ki mua