Skip to content

Vakaraitaka mai na nomu nanuma ena ivola ituvatuva ni Vosa ni Pasifika

Vakaraitaka mai na nomu nanuma ena ivola ituvatuva ni Vosa ni Pasifika

Na noda vosa ni Pasifika e tikina bibi sara ni noda itovo vakavanua, ivakatakilakila kei na noda tiko vinaka

Keimami sa biuta vata e dua na iwalewale lailai ni ituvatuva ni Vosa ni Pasifika me vukea na kena toso cake na vakayagataki ni ciwa na vosa ni Pasifika e Aotearoa.

Kevaka e dua na ka sa vakavulica vei keda na COVID-19, sa ikoya na bibi ni noda vosa me da semati ka veitokoni vakaikeda. Na vakatauvatani na itukutuku ni wili leweni vanua ena 2013 kei na wili leweni vanua ni 2018 e vakaraitaka ni sa lutu na iwasewase ni vosa ni Pasifika e-Aotearoa.

Se o dua na itabagone, itubutubu, qasenivuli se dua na iliuliu ni itikotiko raraba se dua ga na tamata e dau taleitaka na vakabulabulataki ni vosa ni Pasifika - keimami sureta na nomuni nanuma. Keitou sureti ira talega mai na veisoqosoqo vakaitikotiko, bisinisi, Lotu kei na ilawalawa kecega era veiqaravi ena itikotiko raraba ni Pasifika.

Na veivakasalataki ena yaco tiko mai ena I ka 4 ni Okotova – 12 ni Noveba.

Volai ni ituvatuva ni Vosa ena Pasifika – Taro ni Veivosaki

Na iwalewale ni Vosa vaka-Pasifika ena tuvanaka na veika e gadrevi me tokoni kina na kena vakayagataki vakalevu na noda vosa e Aotearoa.

Me cakacakataki na iwalewale ni Veivosa ni Pasifika, keitou gadreva na nomu cau kei na vakasama me kilai kina na veika e gadrevi me tokona na nomu vosa se veivosa eso.

Keitou sa kerea tiko mo vakacuruma na veika e gadrevi me tokoni kina e levu cake na kena vakayagataki na vosa ni Pasifika e Aotearoa.

Keitou na vakayagataka na nomu nanuma me taucoko kina na iwalewale ni Vosa ni Pasifika ka vakasalataka na Matanitu ena veika e gadrevi me tokona na vakalevutaki ni kena vakayagataki na vosa ni Pasifika e Aotearoa

Na veivakasalataki ena yaco tiko mai ena I ka 4 ni Okotova – 12 ni Noveba.

E rawa ni o tukuna na lomamu ena:

  • Sa vakarautaki tu ena neitou mataveilawa e dua na fomu ni vakalelewa ka solia vei iko e dua na madigi mo tukuna vakadodonu ka taqomaki kina.
  • Vakauta na nomu nanuma ena imeli: [email protected]
    E rawa talega ni o ni veitaratara kei keimami ena imeli ena dua na vakasama, nanuma se taro. 

Veitaratara kei ira na Nodra Cakacaka na Tamata ena Pasifika ena  [email protected]

Na itukutuku o solia ena sega ni vakatakilakilataki iko vakatamata se vakatamata yadua baleta ni itukutuku kei na veika kece era vakasokumuni ena vakasoqoni vata. Ia, e rawa ni keimami vola na yacamu ena iotioti ni ripote me dua na tiki ni lisi raraba ni tamata era soli vakasama ena gauna ni veivakadonui. Kevaka o sega ni vinakata me volai na yacamu, yalovinaka ni tukuna vei keimami.

Vakaraitaka mai na nomu nanuma ena ivola ituvatuva ni Vosa ni Pasifika


Na ituvatuva ni Vosa vaka-Pasifika e tolu na kena cakacaka bibi ka kena inaki me tokona e dua na rai raraba ni rawati vinaka ni vosa ni Pasifika mai Aotearoa:

  • Cakacaka bibi 1: Vagolea na rai me vakadeitaki kina ni sa vakamareqeti na vakayagataki ni vosa ena Pasifika
  • Cakacaka bibi 2: Vakalevutaka cake na madigi kei na salatu me vulici kina na vosa ni Pasifika
  • Cakacaka bibi 3: Tauyavutaka e dua na ilakolako me baleta na vosa ni Pasifika me dau vakayagataki vakalevu cake, kei na vuqa tale na vanua e rawa.


Era sa cakacaka vakaukauwa na neimami itikotiko raraba me ra taura ka maroroya tiko na neimami vosa eke e Aotearoa. Sa tu eso na veisala kei na parokaramu ena veivanua raraba me tokona na vosa ni Pasifika okati kina na Veimacawa ni Vosa kei na soqo vakaitikotiko.


Sa tubu cake tikoga na toso ena neimami ivakarau ni vuli me tokona na vosa ni Pasifika ka solia vei ira na itabagone e levu cake na ivukevuke me ra vulica ka maroroya tiko kina na nodra vosa.