Skip to content

Fakafano mai haau a tau manatu fakakite hagaao ia ke he Pacific Languages Strategy

Fakafano mai haau a tau manatu fakakite hagaao ia ke he Pacific Languages Strategy

Koe tau vagahau Pasifika ko e mena uho a ia ke he ha mautolu a tau momoui mo e tau aga fakamotu

Kua talaga ai e mautolu e Pacific Languages Strategy ke lagomatai atu e tau tagata ke malikiti hake e numela ha lautolu ne maeke ke vagahau hiva e vagahau Pasifika.

Kua kitia ki ai e mahuiga he tau vagahau he magaaho nai ke matutaki e tau tagata ha koe gagao covid-19. Kehe fakatataiaga he totou puke tagata he tau 2013 mo e tau 2018, kua kitia ki ai kua to hifo e numela puke tagata ne maeke ke vagahau e tau vagahau Pasifika.

Pete ni ko e fuata a koe, matua, faiaoga, takitaki he taha matakau/maaga po ke tagata ne manako lahi ke lagomatai atu ke he tau vagahau Pasifika- fiafia lahi a mautolu ke logona ha mutolu a tau manatu fakakite. Manako foki a mautolu ke logona mai he tau matakau kehekehe, tau faahi pisinisi, tau Ekalesia mo e ha matakau ne lagomatai atu ke he tau matakainaga Pasifika.

Fakahoko e tau fakatūtalaaga he aho 4 Oketopa – 12 Novema.

Fakataitaiaga Pacific Languages Strategy – Tau Huhu

To folafola ai e falu a tau gahua lagomatai ke fakamalikiti hake e fakaaogaaga he tau vagahau Pasifika i Aotearoa.

To kautū e fakataitaiaga Pacific Languages Strategy nai kaeke kua fakakite mai ha mutolu a tau manatu ke iloa ko e heigoa e tau lagomatai ha mutolu ne manako ki ai.

Manako a mautolu ke iloa mai koe heigoa e falu a tau lagomatai ke fakamalikiti hake e fakaaogaaga he tau vagahau Pasifika i Aotearoa.

To fakaaoga e mautolu haau a tau manatu fakakite ke talaga moe fakamaopoopo e Pacific Languages Strategy ke fakailoa atu  ke he Fakatufono e tau faga lagomatai ke fakamalikiti hake e fakaaogaaga he tau vagahau Pasifika i Aotearoa.

Fakahoko e tau fakatūtalaaga he aho 4 Oketopa – 12 Novema.

Maeke ia koe ke fakakite manatu pehē nei:

  • Ha hā he kupega hila ha mautolu falu a puhala ke maeke ia koe ke fakakite manatu mai fakahako kia mautolu.
  • Fakafano mai he meli hila haau a tau manatu ke he imeli nai: [email protected]
    Maeke foki ia koe ke fakafano mai he meli hila haau a tau manatu fakakite po ke haau a tau huhū.

Matutaki mai ke he Ministry of Pacific Peoples he meli hila nai:[email protected]

To nakai maeke ke iloa ko hai a koe ha ko e mena fakaputu oti e tau manatu ke he taha ni e potaaga.  Ka e pete ia, to tohia ai haau a higoa fakalataha mo lautolu oti ne kua fai manatu fakakite ke he tau fakatūtalaaga.  Ka nakai manako a koe ke fakamau hifo haau a higoa, fakamolemole fakailoa mai.

Fakafano mai haau a tau manatu fakakite hagaao ia ke he Pacific Languages Strategy


Ko e tolu la e matapatu gahua hagaao ia ke he Pacific Languages Strategy kua taute pauaki ke lagomatai atu ke fakatupu ki mua e tau vagahau Pasifika i Aotearoa:

  • Matapatu gahua 1: Hiki e tau manamanatuaga mo e tokiofa e vagahau Pasifika
  • Matapatu gahua 2:  Fakaholo ki mua e tau puhala ke moua e tau fakaakoaga ke he tau vagahau Pasifika.
  • Matapatu gahua 3:  Fakaatā falu matakavi ne maeke ke fakaaoga fakalahi e tau vagahau Pasifika he loga e tau magaaho.


Kua lahi gahua he tau matakau i Aotearoa nai ke fakaako, fakaohooho mo e leveki e tau vagahau ha lautolu.  Ha hā i ai e tau fakaholoaga mo e tau matagahua kua tauteute ai ke lagomatai atu ke he tau vagahau Pasifika, tuga e tau Faahi Tapu Vagahau mo e falu a feua foki he tau matakau.


Kua holo fakahaga ki mua e tau fakaholoaga he faahi fakaako tama ke lagomatai atu e fakaakoaga ke he tau vagahau nei.