Skip to content

Ta'u mai ou manatu e uiga i Gagana Pasefika i Aotearoa

Ta'u mai ou manatu e uiga i Gagana Pasefika i Aotearoa

Leo Moana o Aotearoa – the Pacific Languages of Aotearoa Survey – o le su'esu'ega muamua lea o lona itu’aiga, o lo’o su'esu'eina le fa'aaogaina ma uiga i gagana Pasefika i Aotearoa.

Talu mai le su'esu'ega mae'ae'a o gagana Pasefika i Aotearoa, ua fa'aitiitia le fa'aaogaina o le gagana Pasefika i Aotearoa ma, i nisi tulaga, ua matua'i fa'ateteleina. O lenei su'esu'ega ua mamanuina ma le fa'amoemoe e saofagā i le atina'eina o faiga fa'avae aga'i i le toe fa'afouina, fa'aleleia, ma le fa'aauauina o gagana Pasefika i Aotearoa.

Pe o oe o se tagata talavou, se matua, faia’oga po'o se ta'ita'i o nu'u po'o se tasi e naunau e lagolagoina gagana Pasefika ina ia fa'aolaola - matou te talisapai lou finagalo fa’aalia. Matou te talisapaia fo'i finagalo fa’aalia mai fa'alapotopotoga a nu’u, pisinisi, Ekalesia ma so'o se vaega o lo'o tautuaina nu'u Pasefika.

O lenei su'esu'ega, e tusa ma le 15-20 minute e fa'amae'a ai.

E mafai ona e faia le su'esu'ega i’inei

O lenei polōketi ua uma ona fa’atagaina fa’amaoniga mai le New Zealand Ethics Committee: NZEC21_26.

Fesili e masani ai

O le Leo Moana o Aotearoa – Pacific Languages ​​of Aotearoa Project o le poloketi  fa’aleatunu’u muamua lea o lona itu’aiga e su’esu’e le fa’aaogaina ma uiga aga’i gagana Pasefika e iva i Aotearoa -Te Gagana Tokelau, Vagahau Niue, Te Reo Māori Kuki 'Āirani, Gagana Samoa, Lea faka-Toga , Te Gana Tuvalu, Vosa Vakaviti, Fäeag Rotųam ma Te taetae i Kiripati.

O sini o lenei suʻesuʻega e:

  • su'esu'e le fa'aaogaina o, ma uiga i, gagana Pasefika i Aotearoa – e saofagā i le fa'afouina, tausia, ma le fa'aauauina o nei gagana i Aotearoa.
  • fa'aloloto lo tatou malamalama i le tulaga o lo'o iai nei gagana Pasefika i Aotearoa.

O le poloketi su'esu'e e aofia uma ai se su'esu'ega fa’aleatunu'u fa'apea fo'i le talanoa ma nu'u Pasefika mai vaega Pasefika e iva  i Aotearoa (Tokelau, Niue, Atu Kuki, Samoa, Toga, Tuvalu, Fiti, Rotuma, ma Kiripati) ina ia maua ai se malamalama’aga loloto o le fa'aaogaina ma le fa'atauaina o gagana Pasefika e tagata Pasefika i Aotearoa.

O fa’ai’uga o le a:

  • saunia fa'amaumauga fa'avae-laina ma se malamalama’aga sili atu i le tulaga o lo'o iai nei gagana Pasefika i Aotearoa
  • saunia fa'amaumauga fa'apitoa e si’itia ai fa'amaumauga fa'atapula'aina o lo'o avanoa nei mo gagana Pasefika
  • fesoasoani e fa'ailoa mana'oga fa’aleatunu’u ma fa'ailoa ni fuafuaga e lagolago atili ai le toe fa'afouina, tausia, ma le fa'aauauina o gagana Pasefika i totonu o Aotearoa.

O le su'esu'ega i luga o le laina o le a aoina ai fa'amatalaga mai tagata Pasefika o lo'o nonofo i Aotearoa (15 tausaga ma luga atu), e uiga i le fa'aaogaina o a latou gagana Pasefika i le tele o vaega i Aotearoa, ma o latou uiga aga'i i a latou gagana Pasefika. Ole su'esu'ega ole a maua uma ile gagana o le Igilisi ma gagana Pasefika e iva.

Matou te talosaga atu mo so outou finagalo i mea e tatau ona matou faia e faateleina ai le fa’aaogaina o gagana Pasefika i Aotearoa, ma lagolagoina le toe fa’aolaolaina, tausia, ma le faatumauina o gagana Pasefika i Aotearoa. O lou finagalo e fesoasoani ia’i matou e avatu ai fautuaga i le Malo i mea e mana'omia ina ia mautinoa ia olaola a tatou gagana Pasefika i Aotearoa.

Fa'afeso'ota'i le Ministry for Pacific Peoples ile [email protected]

O lenei su'esu'ega e le fa’ailoaina. O lona uiga e leai se tasi, e aofia ai ma le ‘au suʻesuʻe, na te iloa lou fa’asinomaga. O le a talosagaina oe e tu'uina atu lau fa'atagaga i luga ole laina a'o le'i fa'agasolo le su'esu'ega, ma e ala i le taliina o fesili o le su'esu'ega, o lo'o e tu'uina mai ai le fa'atagaga mo matou e fa'aaoga au tali i lenei su'esu'ega.

O au tali o le a tumau le fa’alilolilo ma e le fa’ailoaina. O le taimi lava e te tu'uina atu ai le su'esu'ega, o le a le mafai ona toe fa'afo'i lau tali. Fa'amolemole 'aua ne'i fa'aopoopoina so'o se fa'amatalaga e iloagofie ai oe i au tali.

Naʻo tagata suʻesuʻe e iai faʻamaumauga ma o faʻamaumauga uma o le a fa’aleaogaina i le 10 tausaga o lumana’i.